ملاحظة كيف تصبح ثريا -المحاضرة -2-


 

المحاضرة 2- من كيف تصبح ثريا

التعليم لا يساوى الذكاء

الحصول على المعرفة المتخصصة

يقول نابليون هيل : قبل أن يكون لديك القدرة على تحويل الرغبة الى مقابل مادي ستحتاج الى معرفة متخصصة بالخدمة او البضائع او المهنة التى تنوى عرضها لجني الثروة .

اللى عندهم علم بالشيء اللى بيعملوه ودرسوه كويس جدا هم اللى حيقدروا يجمعوا ثروتهم .

مؤلف اسمه جيم يوهين بيقول : التعليم الرسمي بيساعدك تكسب قوتك والتعليم الذاتى بيساعدك تكون غنى .

طبعا دى مش دعوه لترك التعليم , لا بالعكس , التعليم بيعطينا الأساسيات اللى بتبدأ بعدها فى التعليم الذاتى –يعنى تعلم نفسك بنفسك امور الحياة ,

لكن مايمنعش ان فيه ناس كتير اتحرموا يكملوا تعليمهم لاى سبب من الأسباب ومع ذلك ده لم يمنعهم انهم يكونوا ناجحين .

قد تكون لست عالما بكل شيء , وده مش عيب , لكن الأهم انك تعرف ازاى يكون معاك الأشخاص المناسبين اللى يعطوك المعلومات دى .

ازاى طيب تبقى عالم بكل شيء او تجمع معلومات عن الشيء اللى عايز تشتغل فيه ؟

اول شيء انت حددت هدفك وعرفت انت عايز تعمل ايه … مع ان الموضوع ده حنتكلم فيه لسه برضه ,,

لكن على الأقل انت عارف انك عايز تعمل مشروع ,, يبقى محتاج تتعلم عن التسويق , محتاج مثلا تتعلم عن دراسة الجدوى .. حدد حتتعلم ازاى , حتقرأ ولا حتدرس فى مؤسسة معينة , حدد المؤسسة او الشخص اللى حيعلمك … ممكن تتطوع للعمل فى مكان معين لفترة من الوقت , عشان تتعلم منه الخبره اللى انت عايزها .

……………………………..ز

  • الخوف من التغيير
  • معظمنا بيخاف انه يترك عمله ويحاول فى عمل جديد , او حتى بجانب عمله يحاول يتعلم شيء جديد , وكتير بنقول اننا كبرنا , احنا لسه حنتعلم , انا مش معايا فلوس ادفعها للدورات والتعليم وعندى فواتير وديون ادفعها افضل واربى ولادى ,,, انت متاكد انك كده حتربى ولادك صح ؟؟
    – ربيهم على المجازفة المدروسة , افضل ماتربيهم على انهم يدفنوا نفسهم سنين فى كهف وهم مش فاهمين مدفونين ليه ولا خايفين من ايه , على الاقل اصحاب الكهف كانوا مستخبيين لهدف عالى , لكن انت خايف من ايه , ده الجمعيات الخيرية بتعمل كورسات ببلاش , ابدأ فى الجمعيات الخيرية , دور على الناس اللى بيعملوا خير وممكن تلاقى اشخاص كتير بيدخلوا ناس ببلاش فى كورساتهم – اتحرك وماتخجلش , لأن الدور حييجى عليك فى يوم من الأيام وحتساعد غيرك زى ماساعدوك .

,,,,,,,,,,,,,,,,,,,,,,,,,,,,,,,,,,,,,,,,,,,,,,,

 

كون علاقات جيده مع الآخرين :

لازم نفهم ان الانسان اللى بيقدر يكون علاقة جيده مع الناس عنده فرصه للنجاح اكتر من الطالب اللى متعلم فى الجامعه فقط ومش عنده خبره .

  • اكيد لما تكون بتحب حد حتبذل مجهود اكبر عشان تسعده ,

حعطيكم مثال على كده

كان فيه شخص يبيع السيارات , كان يبيع خمس سيارات تقريبا فى اليوم – حتى انه اسمه ادرج فى موسوعة جينيس العالمية كافضل بائع سيارات , وقال ان طريقته فى العمل بسيطه جدا :

كان يعرض على الناس اسعار معقولة , وكان بيعرض السيارة على الشخص اللى حابب يشترى منه . مش على اى شخص وخلاص , طبعا لو سمعنا الكلام ده حنقول ده جنان , اللى بيحب يشترى من جوى هو اللى بيعرض عليه سيارته بس , واللى مش حابب يشترى مش حيعرض عليه , ييجوا يشوفوا غلاسة البياعين دلوقت  .ومع ذلك وضع اسمه فى موسوعة جينيس لاحسن بائع فى العالم .

اكيد مش جمال الشكل هو اللى بيجذب والا كانت عارضات الازياء وملكات الجمال احسن ناس فى التجارة ,

ولكن السلوك الودى مع الناس هو المهم

فى احدى الافلام – مشهد لشباب يريدون ان يتحدثوا مع والد فتاه السيناتور ,, فى حفلة ويخطبوا وده من اجل الارتباط بالفتاه , ووالد الفتاه ده متشدد جدا ومافيش حد قادر يأثر عليه .. ففكر احدهم انه يسأل والد الفتاه عن تقريره القتصادى الحالى فاسترخى السيناتور فى الحال وتحدث مع الشاب وتعرف عليه وأزال الحاجز بينهما .

وده بيدل على أن العلم والذكاء والموهبة .. بدون سلوك ودى لا يكتمل عملهم .

 

,,,,,,,,,,,,,,,,,,,,,,,,,,,,,,,,,,,,,,,,,

لن تعمل وحدك  :

لن تنتج الأفكار وحدك , لابد أنك تطلب مساعدة غيرك فى انتاج الأفكار , فلم ينجح عمل انشأه شخص واحد واستمر وحده طول الوقت .

يقول نابليون هيل : لا يوجد مايسمى بالرجل العصامي , الذى كون ثروته بنفسه , فلن تصل إلى اهدافك إلا بمساعدة الآخرين .

ويقول : أن قصة الحصول على ثورة قصة كبيرة تبدا من اليوم الذي يتقابل فيه الشخص الذى لديه القدرة على ابتكار الأفكار مع الشخص الى لديه القدرة على تسويقها , ليعملا معا فى تناغم وانسجام .

 

قد يكون هناك اشخاص خبراء فى المجال الذى تريد العمل به ويستطيعون مساعدتك فى تحقيق هدفك وقد يكونوا اقاموا شركه ناجحه ويعطونك الأفكار ويساعدونك على اقامة شركتك فى اول الامر .

 

,,,,,,,,,,,,,,,,,,,,,,,,,,,,,,,,,,,,,,,,,

 

 

ضع دائما خطة بديلة :

  • الخطوه دى مهم جدا , اللى بتمثل التخطيط المنظم , لأن اذا لم تعمل الخطة الاولى اللى تبنيتها , استبدلها بخطة جديدة واذا فشلت الخطة الجديدة استبدلها بأخرى , حتى تجد العمل اللى تحبه وتنجح فيه وتستمر به .
  • شخص فكر فى عمل مشروع صابون وكان معاه حوالى 100 ج فقط , وفكر انه عشان يجذب الناس ويخليهم يشتروا الصابون ده , وضع معاه كيس خميره مجانا , فما حدث ان الخميرة اشتهرت واقبلت الناس على شرئها وحدها بدون الصابون , فبدأ الشخص ده بتعديل فكرته وبدأ فى انتاج اكياس الخميرة ووضع معها عبوة لبان مجانا , وللمرة الثانية استحوذ اللبان على الناس واهتموا به اكثر من المنتج الاساسي , فدل من خطته للمره الثالثة وبدأ فى انتاج اللبان , واصبح اسمه مرتبط بانتاج اللبان .
  • ونجح نجاح باهر وده لأن امتلك الشجاعة على اصطياد الفرص وتغيير خطته للتتوافق مع الفرص دى .

 

,,,,,,,,,,,,,,,,,,,,,,,,,,,,,,,,,,,,,,,,,,

 

كل شخص يمكنه التغيير اذا اراد ذلك :

 

صحيح ان احد اسباب الفشل بترجع الى مؤثرات مرحلة الطفولة  , لكن اسباب الفشل دى ليست حتمية ويمكن تغييرها.

  • على الرغ

من أن المجرمين غالبا يكونوا نتاج البيئة اللى تربوا فيها , الا ان يمكنهم تغييرهم الا اذا كان عنده مرض نفسي او عقلى قوى مسيطر عليه .

  • لأن يمكن للمشاعر الايجابية أن تحل مكان المشاعر السلبية وتغير حياتك .
  • كان فيه رجل دين صالح زمان فى امريكا يدعو الى المساواه بين البيض والسود , وتم اضطهاده طبعا وكان يتنقل هو وعائلته كثيرا وفى النهاية قتل رجل الدين وكان له ابن عنده اربع سنين , وام الطفل اصيبت بالانهيار العصبي والتحق الطفل بعدد من دور الايواء والاصلاحيات , واصبح سلوكه عدوانى, وتم القبض عليه واتهامه بعدة تهم وحكم عليه بالحبس لمدة عشر سنوات , وفى السجن تبنى عقله مرة اخرى طبيعته القديمة والذى تربى عليها , وبدأ فى قراءة الكتب وبدأ القراءة عن الاسلام واعتنق الاسلام واصبح واعظ دينى وكان هو السبب فى اسلام محمد على كلاى .
  • نيلسون مانديلا :
  • واحد من اكثر الرجال تأثيرا فى الناس على مر العصور , وكان يعيش ح لقد حبس فى سجن جزية روبين
  • رفض مانديلا التخلى عن موقفه السياسي اللى كان بينادى فيه بتحرير جنوب افريقيا من التمييز العنصرى , وظل مسجونا لفترة طويلة , وطالق صراحه فى سنة 1991 وكرس نفسه لتحقيق هدفه وحصل على جائزة نوبل للسلام سنة 1993

واعتبر واحد من اعظم القادة فى التاريخ على مر العصور .

 

اليك هذه الفكرة :

  • توقف عن قراءة الاشياء التافهة
  • دع الأفكار والذكريات المؤلمة والمحزنة جانياً واذهب الى المكتبة وابحث عن سيرة ذاتية لشخص تعجب به وله مساهمات كبيرة فى الكون , على الرغم من المشاكل التى يواجهها , واجعل هذا بداية لتغيير حياتك .

 

,,,,,,,,,,,,,,,,,,,,,,,,,,,,,,,,

 

اتخذ القرار والتزم بتنفيذه :

يقول الفيلسوف وليام جيمس :

ليس هناك اكثر تعاسة من ذلك الشخص الذى لا يمتاز بشيء سوى التردد فى قراراته .

يرى نابليون هيل أن القصور فى اتخاذ القرار واحد من اهم الأسباب التى تؤدى الى الفشل .

  • عشان كده عدم معرفتك لهدفك المحدد هو ده اللى حيسبب انك متردد وخايف , وحتلاقى معوقات فى طريقك مش عارف ازاى تواجهها .
  • تغيير أفكارك أثناء العمل لتحويل العمل للنجاح كما تحدثنا من قبل شيء ,,, وتغيير افكارك قبل البدء نتيجة لانك متردد ومش عارف تبدأ ازاى دى حاجه تانيه .
  • التسويف وعدم القدرة على اتخاذ القرار من الاعداء الشهيرة للنجاح , والاعداء دى لازم تتغلب عليها وتقهرها عشان تبدأ .
  • التسويف يعنى تاجيل العمل , وده بيكون أحيانا كتير ناتج عن الخجل , خجلان يفشل ويعتبره الناس فاشل , خايف يبدأ ألا يشفل .
  • لكن احيانا بيكون عدم القدرة على اتخاذ القرار هي السبب انك مش عايز تبدأ .
  • طيب الناس اللى عندهم القدرة على اتخاذ القرار وجريئين وبيبدأوا بدون تردد , ايه اللى بيشعروا بيه وازاى عندهم القدرة دى :
  • وجد عالم النفس جارى كلين : ان الاشخاص اللى عندهم الخبرة والمعلومات والذكريات .. عنده القدرة اكثر على اتخاذ القرار .
  • عنده القدرة على الحاب فى عقله , للأرباح والخسائر , عنده القدره على معرفة الخطوات اللى حيتخذها وتصورها فى عقله , عشان كده بيتخذ القرار وهو مطمئن , عشان كده مهم اواى واى ان يكون عندك الخبرة والمعلومات الكافية .
  • واحد حيوقل ازاى حيكون عندى خبره وانا لسه فى بداية حياتى وشاب صغير ومش عارف حاجه فى الحياة .
  • قلنا فى الاول انك لازم تاخد الخبرة دى والمعلومات بعدة طرق عشان تقدر تبدا وحتى لو اخدت منك سنة او اتنين اوتلاته افضل من انك تبدا وتفشل وتيأس ولا تحاول مرة اخرى .
  • قلنا ان الخبرة دى بتكون عن طريق العمل التطوعى فى اول الامر او القراءة او التعليم بالكتب او التعليم المباشر من شخص لديه المعلومات والخبرة عن الشيء اللى عايز اتعلمه .

ناهد سند 

 

 

 

 

 

 

 

 

 

 

 

 

 

 

 

 

 

 

Advertisements

اذا كنت استفدت فلا تبخل علينا بكلمة شكر أو اضغط زر الإعجاب- لا تحتاج للتسجيل او لكتابة اميلك للتعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s