ملاحظة .(ارسمى خريطه تحفيزك الخاصه )💪 للمدربة المتميزة د / مروة محمد


لسلام عليكم ورحمه الله وبركاته
تكتب اليكم المدربه 💎د.مروه محمد💎
اليكم هذا المقال المفخخ 😲 
*
*
*
بالتكنيكات العمليه المبسطه 😉 
والتى تم اختصارها
….من الكورس الخاص بيا بعنوان
…(ارسمى خريطه تحفيزك الخاصه )💪
عارفين المقوله المعروفه اللى كل الامهات عذبت بيها ولادها😈
عشان ياكلوا بالعافيه وهى بتقولهم ( كلوا عشان الطبق يدعلكم )
وعملاً بهذه المقوله اللى بيختلف تطبيقها من ام للأخرى 
وبعيداً عن الأكل والأطباق وإنكم اكيد جوعتم دلوقت 😁
مطلوب منكم حاجه تانيه خالص 
*
*
*
وهى إنكم
تقروا المقاله كلها للأخر واوعوا تسيبوا منها حته بس الفرق هنا ان انتم
هتقروا بمزاجكم من غير تعذيب ولاحاجه😄 لأن إن شاء الله كل الكلام الجاى لو طبقتوه هيفرق معاكم جداااا ومتنسوش تدعولى 😉
🔴 اولاً 
لما نيجى نتكلم عن تعريف التحفيز💪💪هنلاقى ان له تعريفات كتييير منها
ان التحفيز هو رغبه الشخص فى تحقيق هدف ما
وعشان كده اول ماتبتدى قرايه المقاله هاتى ورقه كبيره وقلم 📝 واكتبى هدفك بالالوان 🎨وبالفونت العريض فى نص الورقه
وبعد متحددوا اهدافكم
تعالوا نربط الاحزمه وننطلق بصاروخ نحو التحفيز ونحو القمه مع سنه جديده
كلها اهداف هتتحقق بإذن الله
بس اكتبوا 📝 وطبقوا كل كلمه هتقروها على نفسكم
🔴تانياً
*عناصر التحفيز اللى مهم نطبقها
1️⃣-الاعداد والتحضير للاهداف
وده هنعمله ازاى ؟؟
بنمشى على الخطوات ال4 التاليه بإختصار:
1-حددى أهدافك بوضوح
2- نمى الرغبه المشتعله لتحقيق الهدف 
(يعنى لازم يكون عندك رغبه قويه لتحقيق هدفك او اهدافك)
لأن الاهداف بدون رغبه قويه فى تحقيقها اهداف خامله (ميته) لاروح بها
3-اكتبى اهدافك وسجليها فى مفكرتك
فى مقوله لبراين تريسى بتقول (بالقلم والورقه يبدأ كل شىء)
4-جزئى أهدافك الى أهداف قصيره ومتوسطه وطويله المدى
2️⃣-الاستعانه بالله وبقوه الدعاء
-استعينى بالله واحسنى الظن وادعى انك تفكرى تفكير ايجابى وتحققى هدفك
-إبدأى فى طريقك وتوكلى على الله حتى لو عندك شعور بالخوف من الفشل
-افتكرى دايما قدره الله فى ملكه(أخرجى من حولك وقوتك الى حول الله وقوته)
-فى كتاب الاهداف الانسانيه للقرآن لعمرو خالد مكتوب الهدف الانسانى لسوره البقره
ان نعمل بجد واتقان وننتج ونبدع وده لييييييييييه؟؟
عشان نعمر الأرض وننجح فى الحياه✔️✔️
*الخطوه العمليه والتطبيقيه لهدف السوره \ إن إحنا نجمع بين الهدفين فالإعمار عباده والنجاح امنيه شخصيه
والاتنين محتاجين خريطه طريق واحده لها خطوات نحددها ونلتزم بالعمل بيها عشان نحقق الاعمار فى الارض
ونوصل لأهدافنا دنيا واخره وبالتالى نعيش جنه الدنيا والآخره
طيب هتقوليلى كلام ده حلووو جدااابس انفذه ازاى ؟
المطلوب إنك تسألى نفسك السؤال ده
👇
إزاى هعمر الأرض من خلال هدفى اللى حددته ؟؟؟
فكرى كويس وخدى وقتك لحد ماتوصلى واكييد هتوصلى
وماتنسيش كمان تخصصى دعاء ان ربنا يكرمك وييسرلك الطرق لتحقيق هدفك
3️⃣-المرونه\ عند وضع الخطط لأهدافك راعى ان تضعى خطط بديله عشان تلجأى اليها عندما لاتستطيعى تحقيق الخطه الاولى وعشان كمان تحققى عنصر المرونه وتفضلى مكمله فى طريقك ولاتتوقفى لأى سبب
-4️⃣المتعه\ قبل ان تبدأى فى تنفيذ خططك نحو اهدافك 
 اعملى اى شىء يديكى احساس بالمتعه والانطلاق والطاقه نحو هدفك وليكن نزهه مع الأصدقاء او الذهاب الى الملاهى 😄
🔴ثالثاً
* وسائل التحفيز
11-التدوين\دونى كل نجاح بتحققيه فى مفكره خاصه بيكى (وسميها مثلا مفكره الإنجازات )والتدوينات دى هتكون حافز ليكى
22-المكافأه \كافئى نفسك على كل انجاز بتحققيه (هاتى لنفسك حاجه بتحبيها ودلعى نفسك وليكن ورد-شوكولا نيوتيلا-كتاب الخ)
3-كن طالبا مدى الحياه\ اتعلمى وإقرى باستمرار فى كل المجالات وفى مجالك اللى حابه تتخصصى فيه أكتر
44-كونى مبادره\ بادرى وخدى الخطوه وحطيها فى الفعل …خططى كويس وإبدئى نفذى بسرعه ..لاتستسلمى للتسويف والمماطله
وعشان تقوى عندك حس المبادره حطى فى دماغك وبرمجى تفكيرك على الجمله دى 
(إن اى فشل هيبقى درس وهيديكى خبره تخليكى تبدأى الخطوات اللى بعدها بذكاء أكبر)
55-تخلصى من التشاؤم الوراثى او النظره التشاؤميه اللى بتكونى مبرمجه عليها منذ الصغر بسبب الوالدين وخوفهم عليكى
6-اكسرى الروتين اليومى
7-تعاملى بمبدأ win win يعنى انا اكسب وانت تكسب
وده مبدأ الخطوه العملى لتنفيذه
 إنك تشوفى ايه العلاقات الانسانيه او التعاملات الماديه اللى بتيجى فيها على نفسك او على الاخرين وتبدئى تعدلى فيها بحيث انتم الاتنين تكسبوا ومحدش يخسر سواء معنوياً او مادياً
8-التحكم فى المؤثرات الداخليه والخارجيه
✴️التحكم فى المؤثرات الداخليه :
يعنى ازاى تتحكمى فى نفسك وتبرمجيها وتحفزيها
بالطرق التاليه\
👈البرمجه الايجابيه للذات 
اقرى عن البرمجه كتييير واسمعى محاضرات وكورسات وطبقى اللى هتتعلميه ده هيفيدك كتير
فى تحويل تفكيرك للإيجابيه
👈فن التخيل (مارسى فن التخيل لهدفك بإستمرار…خلى حلمك 3d دايما قدامك )
ارسمى صور ذهنيه لهدفك كأنه واقع قدامك يعنى تخيلى هدفك وانتى محققاه بكل تفاصيله 
…لو عايزه تعملى مشروع مثلا \
تخيلى وانتى فى المكان اللى اختارتيه لمشروعك وبتحتفلى بإفتتاحه وبتقصى الشريط ومبسوطه وناس بتهنيكى
وهكذا
*شوفى الفديو ده كمان فى اول دقائق منه مشهد عملى عن التخيل وتأثيره فى تحقيق الهدف
https://www.youtube.com/watch


👈الخروج من منطقه الراحه
(منطقه الراحه هى بإختصار المنطقه الأمنه اللى بتتمثل دايما بالدائره المغلقه اللى بيكون جواها خبراتنا ومعلوماتنا ودراستنا وكل ماهو خارج هذه الدائره هو المجهول واللى بيمثل الخطر بالنسبالنا)
وده اللى بيفسر خوفنا او قلقنا عند الإقدام على أى تجربه او خطوه جديده فى حياتنا
*شوفى الفديو المحفز جداااا ده عن الخروج من منطقه الراحه
https://www.youtube.com/watch


والخطوه العملى لتخرجى من منطقه الامان او الراحه الخاصه بيكى
⬅️ انك تحددى منطقه الامان الحاليه اللى انتى واقفه عندها واكتبى خططك وخطواتك اللى هتنفذيها لتجربه اشياء جديده وكسر الروتين للخروج من هذه الدائره فى سبيل تحقيق هدفك …وافتكرى وكررى دايما قدام نفسك الإيجابيات اللى هتعود عليكى من الخروج من هذه المنطقه
✴️التحكم فى المؤثرات الخارجيه
-ابعدى عن السلبيه والسلبيين ومستنفذين الطاقه اللى بطلوا يحلموا وبيشوفوا الحياه سودا دايما
..ماشى الكلام 👍 …بس حد تانى هيجى يسألنى يقولى لو السلبين دول ناس قريبه مننا ومنقدرش نبعد عنهم
الحل ايه؟؟؟
نقلل التعامل او الجدال والتصادم مع أفكارهم
ونعوض ده كمان بمصاحبه الايجابين عشان نزود المحيط الإيجابى حولنا
وفى كمان حكمه افريقيه مهمه لازم تسجلوها عندكم
(إذا لم يكن هناك عدوا بداخلك فالعدو الخارجى لايستطيع ايذائك)
يعنى لو انتى مش عدوه نفسك محدش هيقدر يضرك او يأثر عليكى بالسلب
طيب بعد ده كله ايه
🔴الوسائل اللى ممكن تساعدنا فى الحفاظ على تحفيزنا🔴
1-tiny baby step
الخطوه دى مهمه جداً جداًعشان نحافظ دايما على تحفيزنا ومنزهقش زى معظم الناس مابيحصلها 
…..وهى ان احنا نمشى نحو هدفنا بخطوات صغيره جدا زى خطوات البيبى
مثال بسيط\لو انتى عايزه تقرى كتاب مثلا قسمى وقتك واقرى كل يوم ساعه او نصف ساعه
وهكذا قسمى حسب وقتك ..امشى كل يوم 10 سم نحو هدفك
2-اضغطى على كل ازرارك
يعنى استخدمى كل الوسائل اللى ممكن تحفزك واحتفظى بيها عندك والجأى اليها لما تحتاجى لشحن طاقتك
من الوسائل دى :مقولات -محاضرات-ورش عمل -ايات-اذكار الخ
3-استخدمى ال vision board (لوحه الرؤيه)
ضعى صور لأهدافك فى كل مكان حولك فى (المنزل -السياره-المكتب-الفون-كمبيوتر الخ)
وده هدفه شحن عقلك دايماً بهدفك
4-تمرين الامتنان (الاحساس بنعم ربنا علينا) وهو اللى نصح بيه د|أحمد الأعور
التمرين ده هو تمرين روحانى وتحفيزى فى نفس الوقت
خطواته\
بصى على النعم اللى ربنا أنعم بيها عليكى وخصك بيها عن غيرك واكتبيها (فى كراسه سميها كراسه العرفان مثلا)
وقولى الحمدالله بصوت عالى
على كل نعمه تكتبيها وده بيخليكى تتذكرى النعم وتشكرى ربنا وكمان تحسى انك محفزه
وتذكرى الأيه الكريمه ( لَئِن شَكَرْتُمْ لَأَزِيدَنَّكُمْ ۖ)
الجزء العملى للتمرين ده\ انك تحددى اليوم والوقت اللى هتعملى فيه التمرين ويفضل قبل النوم 
واكتبى ايه احساسك او شعورك بعد التجربه دى وهل فرق معاكى فى التحفيز ولالا وخاصه فى اوقات الإحباط
ويفضل طبعاً لو تكرريه يومياً او مره كل اسبوع
وهنختم مقالتنا بمقوله محفزه سجلوها عندكم
🔸(إذا أردت أن تفعل شيئاً ستبحث بكل تأكيد عن الطريقه المناسبه ،أما إذا لم ترد فعله فستبحث عن عذر)🔸
💪إرسمى خريطه تحفيزك💪
كتبته لكم 🔷المدربه #مروه_محمد

Advertisements

اذا كنت استفدت فلا تبخل علينا بكلمة شكر أو اضغط زر الإعجاب- لا تحتاج للتسجيل او لكتابة اميلك للتعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s